Жаңалықтар

14.10.2026 МЕКТЕП ӘКІМШІЛІГІМЕН БАЙЛАНЫС Құрметті ата-аналар, оқушылар және Өрнек ауылының тұрғындары! Сіздер қажетті ақпарат алу, ұйымдастыру мәселелерін шешу және кері байланыс орнату үшін «Ақмола облысы білім басқармасының Ақкөл ауданы бойынша білім бөлімінің Өрнек ауылының негізгі орта мектебі» КММ әкімшілігіне хабарласа аласыздар. Мектеп директоры Бигатова Мариям Сагнаевна

02.10.2026 Ұстазға құрмет – ұрпаққа өнеге! Ұстаздар күні қарсаңында мектебімізде педагогикалық еңбек ардагерлерімен ерекше жылы кездесу өтті. Ұзақ жылдар бойы білім беру саласында аянбай еңбек етіп, талай шәкірттің жүрегіне жол тапқан ардагер ұстаздарымызды мектеп ұжымы мен оқушылары зор құрметпен қарсы алды. Құрметті қонақтарымызға арнап оқушыларымыз мерекелік концерттік бағдарлама дайындады. Бағдарлама барысында әндер шырқалып, билер орындалып, өлеңдер оқылып, ардагер ұстаздарға арналған жүрекжарды тілектер айтылды. Әрбір өнер нөмірі – ұстаз еңбегіне деген алғыс пен құрметтің белгісі болды. Кездесу барысында ардагер ұстаздарымыз өздерінің жүрекжарды тілектерін айтып, жас ұрпаққа ақ баталарын беріп, өмірлік тәжірибелерімен бөлісті. Ұстаз – ұлы есім! Ұстаздың еңбегі – ұрпақ жадында мәңгі сақталады. Ұстаздық жолда төккен тер мен берген тәлім-тәрбие – баға жетпес мұра.

01.10.2026 Қарттарым – асыл қазынам! 1 қазан – Халықаралық қарттар күніне орай мектебіміздің оқушылары қазыналы қарияларымызға арнап «Қарттарым – асыл қазынам!» атты концерттік бағдарламасын ұсынды. Шара барысында оқушыларымыз үлкендерге деген құрметі мен ыстық ықыласын ән, би, өлең және жүрекжарды тілектері арқылы жеткізді. Қарияларымызға көтеріңкі көңіл-күй сыйлап, ақ баталары мен ізгі тілектерін алуға мүмкіндік берген бұл кездесу ерекше жылылыққа толы болды. Қариясы бар үй – қазыналы үй. Үлкенді сыйлау, олардың өмірлік тәжірибесін құрметтеу – ұрпаққа өнеге. Барша ардақты қарттарымызға зор денсаулық, ұзақ ғұмыр, отбасыларына амандық пен береке тілейміз!

29.09.2026 026 жылғы 29 қыркүйекте Өрнек ауылының негізгі орта мектебі КММ базасында: «Отбасы болу өнері: есту, түсіну, қолдау» тақырыбында ата-аналар конференциясы өтті. Конференцияның мақсаты: отбасылық құндылықтарды насихаттау, ата-аналардың бала тәрбиесіндегі рөлін арттыру, тәжірибе алмасу және тиімді тәрбие әдістерімен бөлісу. Конференцияның практикалық бөлімі төрт бағыт бойынша ұйымдастырылды. Мектебіміздің педагог-психологтары Мухамеджанова Н.Б. және Бигатова М.С., директордың тәрбие ісі жөніндегі орынбасары Омирова Б.А., сынып жетекшісі Маман Р.С. өз тәжірибелерімен және кәсіби білімдерімен бөлісті. Конференция барысында бала тәрбиесі мен білім алуына қатысты пайдалы ақпараттар беріліп, ата-ана мен педагог арасындағы тығыз қарым-қатынас пен өзара ынтымақтастықтың маңыздылығы атап өтілді. Конференцияның пленарлық бөлімінде көпбалалы әке, қоғам қайраткері Абдикаримов С.К. сөз сөйлеп, өз отбасының тәжірибесімен бөлісті және бала тәрбиесіндегі отбасылық құндылықтардың маңыздылығы туралы ойымен бөлісті. Конференция соңында мектеп директоры Бигатова М.С. іс-шараны қорытындылап, барлық қатысушыларға белсенді қатысқандары үшін алғысын білдірді.

18.09.2026 Біздің мектепте онкүндік Тілдер өтті. Барлық сыныптар мерекелік концертке белсенді қатысып, шығармашылық нөмірлер дайындады. Оқушылар түрлі халықтардың билерін, әндерін, өлеңдерін және ұлттық дәстүрлерін ұсынды. Әр сынып өзінің дайындығын, шығармашылығын және әр түрлі халықтардың тілдері мен мәдениетіне деген құрметін көрсете алды

01.09.2026 1 ҚЫРКҮЙЕК – БІЛІМ КҮНІ! Бүгін мектебімізде жаңа 2026–2027 оқу жылының басталуына арналған салтанатты жиын өтті. Іс-шара «Қазақстан Республикасының Конституциясы: Адал азамат, зерделі ұлт және жауапты қоғам қалыптастырудың негізі» тақырыбына арналды. Әсіресе, мектеп табалдырығын алғаш аттаған 1-сынып оқушылары үшін бұл күн ерекше қуанышты әрі есте қаларлық күн болды. Мектеп директоры Бигатова М. С. бүлдіршіндерімізді алғашқы қадамдарымен құттықтап, оларға ақ жол, мол білім, биік жетістіктер және мектеп өмірінде жарқын сәттер тіледі. Ұстаздарға шығармашылық табыс, қажымас қайрат, ал оқушыларға жаңа білім, жақсы достар және толағай жетістіктер тілейміз! Құрметті ата-аналар! Балаларыңыздың әрбір жетістігі сіздерге қуаныш пен мақтаныш сыйласын! Жаңа оқу жылы құтты болсын! Білім жолындағы қадамдарымыз сәтті болсын! Еліміздің болашағы – білімді, адал және жауапты ұрпақ болсын! Білімді ұрпақ – жарқын болашақ кепілі!

25.05.2026 9–11 сынып түлектеріне арналған «Соңғы қоңырау» салтанатты іс-шарасы 2026 жылғы 25 мамырдағы КММ «Орнек ауылының жалпы білім беретін мектебінде» 9 және 11-сынып түлектеріне арналған «Соңғы қоңырау» салтанатты іс-шарасы өтті. Бұл күн – мектеп бітіруші түлектер, олардың ата-аналары мен ұстаздары үшін ерекше әрі толғанысқа толы мереке болды. Салтанатты жиында мектеп әкімшілігі, сынып жетекшілері мен мұғалімдер түлектерге жүрекжарды тілектерін арнап, мемлекеттік емтихандарды сәтті тапсырып, алдағы өмір жолында биік белестерді бағындыруларына ақ жол тіледі. 11-сынып түлектері үшін соңғы қоңырау мектеп өмірінің аяқталып, үлкен өмірге қадам басудың белгісі болса, 9-сынып оқушылары үшін де болашақ білім жолын таңдаудағы маңызды кезеңнің бастамасы болды. Іс-шара барысында түлектер өздерінің сүйікті ұстаздары мен ата-аналарына алғыстарын білдіріп, шығармашылық өнерлерін көрсетіп, мектептегі қызықты сәттерді еске алды. Дәстүр бойынша соғылған соңғы қоңырау үні түлектердің балалық шақпен қоштасып, жаңа өмірге жол тартқанын айшықтады. Мектеп ұжымы барлық түлектерді осы айтулы мерекемен құттықтай отырып, оларға зор денсаулық, мемлекеттік емтихандарды сәтті тапсыруды, білім мен еңбекте биік жетістіктерге жетуді, армандарының орындалуын және жарқын болашақ тілейді. Ақ жол, жас түлектер!

14.05.2026 Сегодня медсестра школы Вернигорова В. Н. провела профилактическую беседу с мальчиками на тему полового воспитания и сохранения репродуктивного здоровья. В ходе беседы были затронуты важные вопросы личной гигиены, ответственности за своё здоровье, уважительного отношения к окружающим, а также особенности подросткового возраста. Учащиеся получили полезную информацию о ведении здорового образа жизни, профилактике вредных привычек и формировании правильных жизненных ценностей. Мероприятие прошло в формате открытого диалога, где ребята смогли задать интересующие их вопросы и получить компетентные ответы специалиста.

08.05.2026 Женская половина педагогического коллектива тепло и сердечно поздравила мужчин с праздником 7 мая — Днём защитника Отечества День защитника Отечества. В адрес коллег-мужчин прозвучали искренние слова благодарности за их ответственность, надежность, поддержку и преданность своему делу. Педагоги пожелали им крепкого здоровья, семейного благополучия, неиссякаемой энергии, успехов в профессиональной деятельности, новых достижений и вдохновения в работе. Пусть каждый день приносит радость, уверенность в завтрашнем дне, уважение коллег и учеников, а все намеченные цели и планы обязательно воплощаются в жизнь. Праздничная атмосфера подарила всем хорошее настроение, чувство единства и взаимного уважения в коллективе.

01.05.2026 1 мамыр – Қазақстан халқының бірлігі күніне арналған ашық тәрбие сағаты Мектебімізде 1–5 сынып оқушыларының қатысуымен Бірлік күніне арналған ашық тәрбие сағаты өткізілді. Іс-шара барысында оқушылар татулық, достық, сыйластық туралы өлеңдер оқып, ән айтып, түрлі ұлттардың мәдениетімен танысты. Балалар бірлік пен ынтымақтың маңызын түсініп, өз өнерлерін көрсетті. Осындай тәрбиелік мәні зор шаралар өскелең ұрпақтың елжандылық қасиеттерін арттырады. Баршаңызды Бірлік күнімен құттықтаймыз! Елімізде әрдайым бейбітшілік пен бірлік салтанат құрсын!